Ijtimoiy tarmoqlarda Qashqadaryo viloyati ona va bola markazida xodimlar majburiy mehnatga jalb qilingani haqida murojaat e’lon qilindi. Viloyat SSB holatga izoh berdi.
Mazkur murojaat viloyat sog‘liqni saqlash boshqarmasi nazoratiga olinib, viloyat ona va bola markazida (aniqrog‘i, respublika ixtisoslashtirilgan ona va bola salomatligi ilmiy-amaliy tibbiyot markazi Qashqadaryo filialida) o‘tkazilgan umumiy yig‘ilishda muhokoma qilingan. Unda viloyat sog‘liqni saqlash boshqarmasi mutasaddilari, filial ma’muriyati va kasaba uyushmasi qo‘mitasi vakillari hamda ishchi-xodimlari ishtirok etgan.
Yig‘ilishda so‘zga chiqqan filial xodimlari ijtimoiy tarmoqda e’lon qilingan murojaat asossiz ekanligi, muassasada hech kim majburiy mehnatga jalb etilmaganini qayd etdi. Murojaatga ilova qilingan video 2024-yil 8-aprel kuni tasvirga olingani, bu vaqtda filial hududida asosan obodonlashtirish xodimlari gul ko‘chatlari ekkani, filialning ayrim xodimlari bu jarayonni kuzatish uchun turishganini ta’kidladi.
Izoh (0)