Praga uglerodga asoslangan energiyaga qaramlikdan voz kechish va yashil energiyaga o‘tishni tezlashtirish bo‘yicha atom energetikasini rivojlantirish yo‘nalishini belgilab oldi. Bu haqda Euronews xabar berdi.
Xabarga ko‘ra, mazkur yo‘nalish 25 yilga mo‘ljallangan. Chexiya hukumati 4 ta yangi yadro reaktorini qurish uchun 6 milliard yevro ajratishga va’da bergan. Zavodlarni kim qurishi asosiy masala bo‘lib qolmoqda.
Agar raqobatchilar tomonidan taklif qilinadigan narx fuqarolar, energetika va sanoatni rivojlantirish uchun energiyaning barqaror past narxini ta’minlasa, kelajakda ikkala atom elektr stansiyalarida ham ushbu quvvatni oshirib, uni qayta tiklanadigan manbalar bilan birlashtiriladi, — deydi Chexiya atrof-muhitni muhofaza qilish vaziri Petr Hladik
Chexiya 2024-yil iyun oyi oxirigacha kelishuvga erishmoqchi. Tenderda ikkita kompaniya raqobatlashmoqda: Fransiyaning EDF va Janubiy Koreyaning KHNP kompaniyalari.
Hozirda Chexiyada ikkita elektr stansiyasida Rossiyada ishlab chiqarilgan oltita atom energetika bloki mavjud. Chexiya 2029—2040-yillar oralig‘ida bosqichma-bosqich yangi energiya bloklarini ishga tushirish va 2033-yilgacha ko‘mir va qo‘ng‘ir ko‘mirdan, 2050-yilgacha esa neft va gazdan butunlay voz kechish niyatida.
Chexiya an’anaviy ravishda uglerodga asoslangan energiyani eksport qilgan, ammo hukumat bundan voz kechib, Yevropa Ittifoqi qo‘shnilaridan toza energiya importchisiga aylanishga tayyor.
Izoh (0)