Meksika, AQSH, Kanada, shuningdek, Tinch va Atlantika okeanlaridagi ba’zi orollarda Quyoshning to‘liq tutilishi kuzatildi. Bu haqda Euronews xabar berdi.
Shimoliy Amerikadagi millionlab odamlar Quyoshning to‘liq tutilishini kuzatdi. Meksikaning Mazatlan shahrida mazkur noyob hodisani birinchi bo‘lib aholi va sayyohlar ko‘rdi. Oy Quyoshni to‘liq qopladi va to‘rt daqiqa davomida osmon qorong‘ilashdi.
Ko‘rish qobiliyatiga zarar yetkazmaslik uchun osmonga bu vaqtda maxsus himoya ko‘zoynagi yordamida qarash kerak. Amerika, Markaziy Amerika va G‘arbiy Yevropada ham tutilish fazasi qisman kuzatildi.
Quyoshning to‘liq tutilishi tadqiqot uchun, xususan, ushbu hodisaning ionosferaga ta’siri va telekommunikatsiya tizimlarining ishlashidagi ehtimoliy uzilishlarni o‘rganish uchun ajoyib imkoniyatdir.
Keyingi to‘liq tutilish 2026-yil 12-avgustda sodir bo‘ladi va shimoliy yarim sharning katta hududlarini qamrab oladi.
Izoh (0)