Прага углеродга асосланган энергияга қарамликдан воз кечиш ва яшил энергияга ўтишни тезлаштириш бўйича атом энергетикасини ривожлантириш йўналишини белгилаб олди. Бу ҳақда Euronews хабар берди.
Хабарга кўра, мазкур йўналиш 25 йилга мўлжалланган. Чехия ҳукумати 4 та янги ядро реакторини қуриш учун 6 миллиард евро ажратишга ваъда берган. Заводларни ким қуриши асосий масала бўлиб қолмоқда.
Агар рақобатчилар томонидан таклиф қилинадиган нарх фуқаролар, энергетика ва саноатни ривожлантириш учун энергиянинг барқарор паст нархини таъминласа, келажакда иккала атом электр станцияларида ҳам ушбу қувватни ошириб, уни қайта тикланадиган манбалар билан бирлаштирилади, — дейди Чехия атроф-муҳитни муҳофаза қилиш вазири Петр Ҳладик
Чехия 2024 йил июнь ойи охиригача келишувга эришмоқчи. Тендерда иккита компания рақобатлашмоқда: Франциянинг EDF ва Жанубий Кореянинг КHNP компаниялари.
Ҳозирда Чехияда иккита электр станциясида Россияда ишлаб чиқарилган олтита атом энергетика блоки мавжуд. Чехия 2029—2040 йиллар оралиғида босқичма-босқич янги энергия блокларини ишга тушириш ва 2033 йилгача кўмир ва қўнғир кўмирдан, 2050 йилгача эса нефть ва газдан бутунлай воз кечиш ниятида.
Чехия анъанавий равишда углеродга асосланган энергияни экспорт қилган, аммо ҳукумат бундан воз кечиб, Европа Иттифоқи қўшниларидан тоза энергия импортчисига айланишга тайёр.
Изоҳ (0)