Rossiya Tergov qo‘mitasi Crocus City Hallʼga hujum qilgan terrorchilar va Ukraina xavfsizlik xizmatlari o‘rtasida aloqa borligini aniqladi. Bu haqda “TASS” nashri maʼlum qildi.
“Hozirgi vaqtda jinoyat ishi bo‘yicha ushbu o‘ta og‘ir jinoyatni sodir etishda ishtirok etgan 11 nafar shaxs aniqlangan. Ularning barchasiga nisbatan ayblov eʼlon qilinib, qamoqqa olish tarzidagi ehtiyot chorasi qo‘llangan. Tergov qo‘mitasi tomonidan salmoqli dalillar to‘plangan. Terrorchilarning Ukraina maxsus xizmatlari bilan aloqasi borligini ko‘rsatuvchi dalillar bor. Dalillar jinoyatga uzoq tayyorgarlik ko‘rilganini ko‘rsatadi”, — deyiladi rasmiy xabarda.
Hozirda jabrlanganlar va guvohlar bilan ishlash davom etayotgani xabar qilingan. Teraktda halok bo‘lganlarning shaxsi aniqlanmoqda. Jinoyatning boshqa ishtirokchilari — aybdorlar, yordamchilar va tashkilotchilarni aniqlash va hibsga olishga qaratilgan tergov harakatlari va jinoiy razvedka tadbirlari olib borilmoqda.
Tergov qo‘mitasi voqeaning to‘liq tasvirini eng kichik detallarigacha qayta tiklayotgani aytilgan. Qo‘mita rahbari jinoyatni navbatdagi tergov qilish bo‘yicha bir qator aniq ko‘rsatmalar bergan.
Rossiya Tergov qo‘mitasi teraktga Ukraina xavfsizlik xizmatlari aloqadorligini ko‘rsatuvchi dalillar topilganini rasman maʼlum qilgan bo‘lsa-da, bu dalillar nimadan iborat ekanligi ochiqlanmagan.
Izoh (0)