Tailand bosh vaziri Sretta Tavisin sayyohlarni ko‘proq jalb qilish uchun oltita qo‘shni davlatga Shengen vizasi analogini joriy etishni taklif qildi. Bu haqda “RBK” xabar berdi.
Sretta Tavisin janubi-sharqiy Osiyo davlatlari bilan qo‘shma viza dasturini yaratish tashabbusi bilan chiqdi, u birgina o‘tgan yilning o‘zida 70 millionga yaqin sayyoh tashrif buyurganini aytdi.
So‘nggi oylarda Tayvan bosh vaziri ushbu tashabbusni Kambodja, Laos, Malayziya, Myanma va Vyetnamdagi hamkasblari bilan muhokama qilgan. Yevropaning Shengen vizasi analogini ishlab chiqish butun dunyodan kelgan sayyohlarga oltita qo‘shni davlat o‘rtasida erkin sayohat qilish imkonini beradi.
Garchi “Janubiy Osiyo Shengen” tashabbusi 2000-yillarning boshidan beri muhokama qilinayotgan bo‘lsa-da, hozirda yetakchilar o‘z iqtisodlarini “sust eksport va zaif global talab”dan himoya qilishga intilib, kelishuvga erishish imkoniyatiga ega.
Janubi-sharqiy Osiyo davlatlari o‘tgan yili 70 millionga yaqin xorijiy sayyohni qabul qildi. Tailand va Malayziya umumiy daromadning yarmidan ko‘prog‘ini tashkil etib, turizmdan 48 milliard dollarga yaqin daromad topdi.
Izoh (0)