Yevropa komissiyasi Shengen vizasi uchun standart to‘lovni 12 foizga oshirishni taklif qildi. Bu haqda Rossiya turoperatorlari uyushmasi (ATOR) xabar berdi.
Komissiya taklifiga ko‘ra, kattalar uchun viza narxi hozirgi 80 yevrodan 90 yevroga, bolalar uchun esa 40 yevrodan 45 yevrogacha oshiriladi. Bu joriy etilishi rejalashtirilgan viza to‘lovi oshirilishini bildiradi. Bundan tashqari, viza rejimining buzilishi yoki noqonuniy migratsiya sababli Yevropadan qaytgan fuqarolarini readmissiya (qaytarib olish) qilish bo‘yicha Yevropa Ittifoqi bilan hamkorlik qilmaydigan davlatlar uchun to‘lovlarni oshirish taklif qilinmoqda.
Agar davlat readmissiya bo‘yicha yetarlicha hamkorlik qilmasa, uning fuqarolari uchun Shengen vizasi narxi 120 yevro (kattalar uchun) va 160 yevrodan (bolalar uchun) mos ravishda 135 evro va 180 yevrogacha ko‘tariladi.
Bundan tashqari, viza to’lovlarini qayta ko‘rib chiqish tashqi xizmat ko'rsatuvchilarning xizmat to‘lovi sifatida olishi mumkin bo'lgan maksimal summaga ta'sir qiladi. Shu tariqa, agar vizaning bazaviy qiymati 90 yevrogacha oshsa, xizmat haqi ham 40 dan 45 yevroga oshadi.
Biroq, Shengen vizasi muddatini uzaytirish narxi o‘zgarishsiz qoladi va odatdagiday 30 yevroni tashkil qiladi. Viza to’lovini qayta ko’rib chiqish viza rejimini soddalashtirish bo‘yicha kelishuvlarga ega bo‘lgan mamlakatlarga ta’sir qilmaydi, bu kelishuvlarda Viza kodeksida ko‘rsatilgan viza to’lovlari aniq ko‘rsatilgan hollar esa istisnodir.
Izoh (0)