Таиланд бош вазири Сретта Тависин сайёҳларни кўпроқ жалб қилиш учун олтита қўшни давлатга Шенген визаси аналогини жорий этишни таклиф қилди. Бу ҳақда “РБК” хабар берди.
Сретта Тависин жануби-шарқий Осиё давлатлари билан қўшма виза дастурини яратиш ташаббуси билан чиқди, у биргина ўтган йилнинг ўзида 70 миллионга яқин сайёҳ ташриф буюрганини айтди.
Сўнгги ойларда Тайван бош вазири ушбу ташаббусни Камбоджа, Лаос, Малайзия, Мьянма ва Вьетнамдаги ҳамкасблари билан муҳокама қилган. Европанинг Шенген визаси аналогини ишлаб чиқиш бутун дунёдан келган сайёҳларга олтита қўшни давлат ўртасида эркин саёҳат қилиш имконини беради.
Гарчи “Жанубий Осиё Шенген” ташаббуси 2000 йилларнинг бошидан бери муҳокама қилинаётган бўлса-да, ҳозирда етакчилар ўз иқтисодларини “суст экспорт ва заиф глобал талаб”дан ҳимоя қилишга интилиб, келишувга эришиш имкониятига эга.
Жануби-шарқий Осиё давлатлари ўтган йили 70 миллионга яқин хорижий сайёҳни қабул қилди. Таиланд ва Малайзия умумий даромаднинг ярмидан кўпроғини ташкил этиб, туризмдан 48 миллиард долларга яқин даромад топди.
Изоҳ (0)