Америкалик миллиардер Илон Маск бир миллионга яқин одам ва бир неча тонна юкни Марсга жўнатмоқчи. У бу ҳақда Х ижтимоий тармоғида эфирга узатилган SpaceX’даги тадбирда гапирди.
Миллиардер сайёрани “муваффақиятли мустамлака қилиш” учун одамлар Марсга юборилишини айтди. Унинг сўзларига кўра, компания келгуси йилда космик ёнилғи қуйиш – ёнилғини бир космик кемадан бошқасига ўтказиш тизимини тақдим этишни режалаштирмоқда. Марсга парвоз пайтида камида 5-6 та шундай ёнилғи қуйиш керак бўлади.
Маскнинг фикрича, одамлар бошқа сайёраларга кўчишлари керак, чунки бир неча йилдан кейин “Ерда ҳаёт бўлмайди”. Бундан ташқари, SpaceX Starship 3 космик кемасини яратишга эътибор қаратади, чунки Марсни забт этиш учун юзлаб шундай кемалар керак бўлади. Бироқ Маск миссиянинг вақти ҳақида маълумот бермаган.
Лекин миллиардернинг SpaceX компанияси биринчи навбатда Ойда база қуришни режалаштирмоқда.
“Марс ўзини ўзи таъминлай олмагунча цивилизация ўзининг ҳозирги технологик даражасини сақлаб қолиши керак, буни тахминан 20 йил ичида амалга ошириш мумкин. Агар биз сайёралараро, кейин эса юлдузлараро бўлсак, бизнинг цивилизациямиз миллионлаб йиллар давом этади”, — дейди Маск.
Акс ҳолда Маск инсоният “бир неча юз йил” яшашини айтди.
Изоҳ (0)