Rossiya dronlari Ukrainaning Xarkov shahriga hujumi oqibatida bir kechada olti kishi halok bo‘ldi, 10 kishi yaralandi, deya The Moscow Times xabar berdi.
Xarkov meri Igor Terexov Telegram’dagi postida xuddi shunday sondagi qurbonlar va yaradorlar haqida xabar berib, hujum shahar shimolidagi Shevchenkovskiy tumaniga qaratilganini qo‘shimcha qilgan.
Terexovning aytishicha, hujum Eronda ishlab chiqarilgan dronlar tomonidan amalga oshirilgan va kamida to‘qqizta ko‘p qavatli uy, uchta yotoqxona va bitta yonilg‘i quyish shoxobchasiga zarba bergan.
Politsiya o‘limni tasdiqlagan va yana sakkiz kishi jarohatlar bilan kasalxonaga yotqizilganini aytgan.
Yaradorlar orasida 25 va 52 yoshli ikki nafar ayol hamda 23 yoshdan 76 yoshgacha bo‘lgan olti nafar erkak bor, — dedi politsiya.
Politsiyaning qo‘shimcha qilishicha, Xarkov shimoli-g‘arbiy chekkasidagi Malaya Danilovka qishlog‘ida sodir etilgan alohida hujumda qurbonlar yo‘q. Hujum Ukraina harbiy-havo kuchlari mamlakat bo‘ylab bir necha guruh rus dronlari haqida xabar berganidan keyin sodir bo‘lgan.
BBC va Deutsche Welle nashrlari e’lon qilgan so‘nggi hisobotlarga ko‘ra, Rossiya-Ukraina urushi boshlangandan beri 2 yil davomida 50 000 nafar rossiyalik, 31 000 nafar ukrainalik harbiy halok bo‘lgan.
Izoh (0)