Rossiyaning Rostov viloyati Morozovsk shahridagi aerodromga 4-apreldan 5-aprelga o‘tar kechasi dronlar hujum qildi. Bu haqda Ukraina rasmiylariga tayanib, “24Kanal” xabar berdi.
Maxsus operatsiyani Ukraina xavfsizlik xizmati harbiylar bilan birgalikda o‘tkazgan. Natijada kamida oltita samolyot yo‘q qilingan.
“Bu rus harbiylarining jangovar salohiyatini sezilarli darajada kamaytiradigan muhim maxsus operatsiya”, — deydi manba.
Ta’kidlanishicha, Ukraina xavfizlik xizmati harbiylar va mudofaa kuchlari bilan birgalikda Su-24M va Su-34 bombardimonchi samolyotlari joylashgan Rossiya aerodromiga hujum uyushtirgan.
“Aynan shu samolyotlardan Ukraina jangchilariga va frontdagi shaharlarga bombalar tashlangan”, — deyiladi xabarda.
Qo‘shma maxsus operatsiya natijasida kamida oltita jangovar samolyot yo‘q qilingan, yana sakkiztasi jiddiy zarar ko‘rgan.
Aerodromda qanday samolyotlar bo‘lgan edi?
Tahlilchining ta’kidlashicha, ruslarning 30 ga yaqin samolyoti tunda dronlar hujumiga uchragan Morozovsk aerodromida bo‘lishi mumkin.
- 26 ta Su-34;
- uchta Su-30/35 aviatexnikasi.
Eslatib o‘tamiz, 5-aprelga o‘tar kechasi Morozovsk (Rossiya) aerodromiga dronlar hujum qilgan, mahalliy aholi 60 dan ortiq portlash ovozini eshitgan. Rostov viloyati gubernatori Vasiliy Golubevning so‘zlariga ko‘ra, Rossiya havo hujumidan mudofaa tizimi 40 dan ortiq nishonni yo‘q qilgan. Elektr stansiyasi ham shikastlangan.
Izoh (0)