Turkiya hukumati mamlakatning Yevropada oddiy qurolli kuchlar to‘g‘risidagi shartnomadan chiqishini maʼlum qildi. Bu haqda Anadolu nashri xabar berdi.
Xabarda aytilishicha, Turkiya rasmiylari ushbu bayonotni 5-mart kuni eʼlon qilgan. Ushbu qarorga kelishga asos bo‘ladigan bir qancha jiddiy sabablar borligi maʼlum qilingan.
“Prezidentning 9-sonli farmoni 3-moddasiga asosan 2024-yil 8-apreldan boshlab Turkiya Respublikasi bilan Shartnoma ishtirokchisi bo‘lgan boshqa davlatlar o‘rtasidagi shartnomaning bajarilishini to‘xtatib turish to‘g‘risida qaror qabul qilindi”, — deyiladi rasmiy bayonotda.
Yevropada oddiy qurolli kuchlar to‘g‘risidagi shartnoma 1990-yil 19-noyabrda Parijda imzolangan. Uning asosiy maqsadi kutilmagan qurolli hujum va Yevropada yirik hujum operatsiyalarini boshlash ehtimolini kamaytirishdan iborat bo‘lgan.
Izoh (0)