Turkiya prezidenti Rajab Toyyib Erdo‘g‘on va Eron rahbari Ibrohim Raisiy 31-mart kuni telefon orqali gaplashib, G‘azo anklavidagi so‘nggi vaziyatni muhokama qilgan. Bu haqda Anadolu nashri xabar berdi.
Xabarda aytilishicha, Rajab Toyyib Erdo‘g‘on va Ibrohim Raisiy o‘rtasidagi telefon suhbatida ikki tomonlama munosabatlar, Isroilning Falastin hududiga qilgan hujumlari muhokama qilingan. G‘azoga yordamni kengaytirish masalasi gaplashilgan.
“Telefon suhbatida Turkiya-Eron o‘zaro munosabatlari, Isroilning Falastin hududlariga uyushtirgan hujumlari va mintaqadagi gumanitar vaziyat ko‘rib chiqildi”, — deyiladi Turkiya aloqa boshqarmasi bayonotida.
Suhbatda Turkiya rahbari “Fath” va HAMAS tashkilotlari ushbu qiyin davrda hamjihatlikda harakat qilishi kerakligini bildirgan. Butun Falastinni ifoda etuvchi yagona kuch mavjud bo‘lishi kerakligi aytilgan. Shuningdek, Isroilning mintaqadagi taranglikni tarqatish harakatlariga barham berish uchun birgalikda harakat qilish zarurligini ham taʼkidlangan.
Izoh (0)