Falastin va Isroil mojarosi boshlanganidan beri G‘azo sektorida kamida 14,350 nafar voyaga yetmagan bola halok bo‘lgan. Bu haqda “TASS” nashri arab manbalariga asoslanib, yozmoqda.
Xabarda aytilishicha, har yili 5-aprel kuni Falastin markaziy statistika byurosi bolalar kuni munosabati bilan bir qancha raqamlarni eʼlon qiladi. Bu yilgi statistika bolalar bilan bog‘liq vaziyatning ancha achinarli ekanini ko‘rsatgan.
Hisobotga ko‘ra, Falastinda hozirda 816 mingdan ortiq bola Isroil agressiyasi oqibatlari tufayli mutaxassislar yordamiga muhtoj. Sektorda bolalarga yordam bera oladigan biror tashkilot mavjud emas.
Al Jazeera telekanali keltirgan statistik maʼlumotlarga ko‘ra, Isroil mudofaa kuchlarining G‘azo sektoridagi harakatlari tufayli har soatda to‘rt nafarga yaqin bola halok bo‘lmoqda. Ayollar va voyaga yetmaganlar bedarak yo‘qolganlar umumiy sonining kamida 70 foizini tashkil etib, 7000 nafarga yetgan. Shuningdek, G‘arbiy Sohilda hozirga qadar 117 nafar bola halok bo‘lib, 724 nafari yaralangan.
Izoh (0)