G‘arbda xip-xop ijrochilari million, hatto milliardlab daromad egasi hisoblanadi. Ijodi va shaxsiy biznesi ortidan badavlat bo‘lishga muvaffaq bo‘lgan reperlar kimlar ekaniga to‘xtalib o‘tamiz.
Kanye Uest
Uzoq vaqt davomida Forbes’ning milliarderlar ro‘yxatiga kirishda da’vogar bo‘lgan Kim Kardashyanning sobiq turmush o‘rtog‘i faqat ijodidan tirikchilik qilmaydi. Unga qarashli Yeezy brendi bor. Mazkur brend krossovkalari yetarlicha mashhurlikka erishib, Nike singari yirik brendlarga raqobatchi bo‘lishga ulgurgan. Reper daromadini farzandlari, mashinalar va dunyoga mashhur dizaynerlar tomonidan loyihalashtirilgan hashamatli ko‘chmas mulkka sarflaydi.
Jay-Z
Bruklinning kambag‘al tumanlaridan birida voyaga yetgan reper xip-xopdan milliard dollar daromad ko‘rgan ilk ijodkor sanaladi. U 50 million dollarlik ko‘chmas mulk va 70 million dollarlik san’at buyumlariga egalik qiladi. Bundan tashqari unga qarashli basketbol klubi ham mavjud. Bu hali hammasi emas, Jay-Z shampan vinosi va musiqiy servis biznesi bilan ham shug‘ullanadi. Bundan tashqari u musiqiy startaplarga ham investitsiya kiritadi.
Dreyk
Reper qimmatbaho avtomashinalar, bir qancha hashamatli uylarning egasi hisoblanadi. Dreyk 100 million dollardan qimmatroqqa olingan uyida qo‘shiqlaridan biri uchun klip ham suratga oldirgan.
Eminem
2000-yillarning eng talabgir, qo‘shiqlari xit bo‘lgan afsonaviy reperning moliyaviy ahvoli 100 million dollarni tashkil qiladi. Ijodkorga qarashli radiostansiya, leybl, liboslar brendi, kinokompaniya va xayriya fondi bor.
Cardi B
Kardining moliyaviy ahvoli 82 million dollarga baholangan. U taniqli reperlardan biri Offset bilan turmush qurgan. Turmush o‘rtog‘i Kardi va qiziga qimmatbaho sovg‘alar, masalan, Porsche mashinasini tuhfa qilishni yaxshi ko‘radi. Qizig‘i shundaki, mashinalari ko‘p ekaniga qaramay, Kardining haydovchilik guvohnomasi yo‘q.
Izoh (0)