Devid Bekhem futbol tarixi afsonasi, “Manchester Yunayted”, “Real Madrid”, “Pari Sen-Jermen” futbol klublari va Angliya terma jamoasi yulduzidir. Sportchining boyligi 450 million dollarga baholangan (2022-yil holatiga ko‘ra). Uning nomi bilan parfyumeriya, kiyim-kechak va aksessuarlar savdosidan har kuni deyarli 60 ming dollar daromad keladi.
Bekhemlar oilasi butun dunyo bo‘ylab ko‘chmas mulkka ega: AQSH, Buyuk Britaniya, Fransiya, BAA va Yevropa davlatlarida turar joylari bor. Bugun Devid Bekhemning fermerlik uyi — Angliyaning janubi-g‘arbiy qismida joylashgan Kotsulds qishlog‘idagi xonadon suratlarini havola etamiz.
Devid va Viktoriyaning ushbu hashamatli uyida futbol maydoni, spa, billiard xonasi, kutubxona, katta hovuz va ikkita ulkan oshxona mavjud.
Uyning dekoratsiyasi va mebellar rangi versal va kantri uslubida ishlangan bo‘lib, interyer sokinlik beradigan to‘q yashil, kulrang va jigarrang mebellar bilan bezatilgan.
Birgina mehmonxonadagi divanning narxi 12 ming dollar, stullarning donasi esa 3 ming dollardan.
Ikkita oshxonadan tashqari uyning bir qismida alohida barbekyu zonasi ham mavjud.
Izoh (0)