Muxlislar uchun mashhurlarning shaxsiy hayoti, yashash tarzi haqidagi ma’lumotlar doimo qiziq bo‘lib kelgan. Ba’zi yulduzlar qanday xonadonda yashashlari, uyning ichki interyeri va bog‘lari haqida ma’lumotlarni fanatlaridan yashirmaydi. Quyida ko‘pchilikning orzusidagi uylarga ega yulduzlar va ularning bog‘lariga virtual tashrif buyuramiz.
Kameron Dias va uning Beverli Hillsdagi xonadoni
Kameron Dias va uning turmush o‘rtog‘i, Good Charlotte guruhi gitarachisi Benji Medden Beverli Hillsdagi 18 million dollarlik mo‘jaz uyda istiqomat qiladi. Bino XX asrning o‘rtalarida qurilgan bo‘lib, neytral oq rangli klassik dizaynda restavratsiya qilingan. Uyning bog‘i keng bo‘lib, bepoyon maysazorlar, yam-yashil butalar va baland daraxtlardan iborat.
Yulduzli juftlikning yangi uyi qo‘riqlanadigan hududda va qalin daraxtzorlar orasida joylashgan bo‘lib, paparatssilarning mashhurlar tinchini buzishga hech qanday imkoni qolmagan.
Uyning orqa hovlisida zamonaviy patio — ochiq havoda dam olish zonasi tashkil qilingan. U yerda antik uslubdagi toshlardan yasalgan favvora bog‘ga yanada ko‘rk bag‘ishlaydi.
Jennifer Lopesning Bel Eyrdagi saroyi
2023-yil may oyida aktrisa va xonanda Jennifer Lopes va uning turmush o‘rtog‘i Ben Afflek Kaliforniyada yangi uy xarid qildi.
Bundan biroz avval yulduzli juftlik Los Anjelesning g‘arbiy qismida joylashgan Bel Eyr tumanidagi xonadonni sotuvga qo‘ydi. Mazkur e’lon uyning hashamatli interyerini hamda zamonaviy landshaft dizaynining barcha qoidalariga muvofiq tashkil etilgan ajoyib bog‘ni ko‘rish imkoniyatini berdi:
Naomi Uotsga tegishli kottej
Qishloqdagi uylar ko‘rinishidagi ajoyib xonadon Ist Hempton shaharchasining Long Aylend janubiy qirg‘og‘ida joylashgan. Mazkur uyni Naomi Uots turmush o‘rtog‘i Lev Shrayber bilan birgalikda 2007-yilda xarid qilgan. Xonadon an’anaviy dizaynga egaligi va plyajga yaqin hududda joylashgani hamda atrof to‘liq yashil zonadan iborat bo‘lgani uchun juftlikka mazkur uy ma’qul kelgan.
Margo Robbining oq saroyi
Aktrisa Margo Robbi va uning turmush o‘rtog‘i, rejissyor Tom Akerli Los-Anjelesning eng qadimiy va hurmatga sazovor hududida joylashgan mazkur uyga 2017-yilda ko‘chib kelgan.
Baland daraxtlar va yashil bog‘lar bilan o‘ralgan klassik uslubdagi oq saroy garchi katta hajmda bo‘lmasa-da, yulduzlarga juda yoqqan va to‘ydan so‘ng ular ushbu uyda hayot kechirishni boshlagan. Xonadon Los-Anjelesning an’anaviy uslubida qurilgan bo‘lib, binoning maydoni 300 kvadrat metrni tashkil etadi.
Opra Uinfrining yapon uslubidagi bog‘ga ega Vashingtondagi uyi
Amerikalik teleboshlovchi, aktrisa va jamoat arbobi Opri Geyl Uinfri bog‘dorchilikka alohida mehr qo‘ygan yulduzlardandir. U uzoq yillar davomida turli navdagi atirgullarni yetishtiradi. Opraning Gavayida shaxsiy fermasi mavjud, u yerda boshlovchi turli sabzavot va mevalarni yetishtirishni yaxshi ko‘radi.
Uning Vashington shtati, Orkas orolida joylashgan tabiat qo‘ynidagi uyi alohida e’tiborga sazovor. Uyning bog‘ida yuzlab turdagi o‘simliklar, mevali daraxtlar hamda yapon uslubidagi alohida hududlar ham mavjud. U yerda tropik o‘simliklar, uzoq mamlakatlardan keltirilgan noyob daraxtlardan iborat bog‘ uyga yanada ko‘rk bag‘ishlaydi.
Izoh (0)