“Muhtasham yuz yil”, “Qora sevgi”, “Hukmdor Usmon” va boshqa ko‘plab seriallaridagi rollari bilan tanilgan turk kinoyulduzi Burak O‘zchivit o‘zining to‘rt qavatli hashamatli xonadonida oilasi bilan yashab kelmoqda.
Bu uyda ko‘pchilikning orzusidagi sharoit muhayyo: katta suv havzasi, ko‘rkam bog‘, keng xonalar… Qiziqarlisi, uyning ichki dizayni uchun O‘zchivit oilasi hech qanday dizayner yollamagan — barchasini o‘zlari bajargan.
Burakning rafiqasi Fahriye uning yumushlarini boshqalar qilishini yoqtirmaydi, shu sababli asosiy uy ishlari va taom tayyorlashni hech kimga ishonmaydi. Fahriye tayyorlagan taomlarni Burak suratga tushish maydonlariga o‘zi bilan olib ketishni ma’qul ko‘radi. Fahriye haftada bir marta uyga umumiy tozalash xizmatchilarini yollaydi.
-HE2GkDHC.jpeg)
Uyning dizayni minimalizm va klassika usulida bo‘lib, och ranglardan foydalanilgan. Ularning uyida yorqin rangda faqatgina bitta qizil divan bor.
Hech qaysi xonadagi devorda rasmlar, fotoramkalar yo‘q. Barcha mebellar tabiiy materiallar — yog‘och, granitlardan yasalgan. Xonadon shift va devorlari turli xildagi haykaltaroshlik bezaklari, g‘ishtin naqshlar bilan bezatilgan.
Shuningdek, Fahriye noodatiy dizayndagi lampa va bra chiroqlarini yaxshi ko‘radi — chiroqlar aktrisaning hobbilaridan biridir.
-aXGMNF0z.jpeg)
O‘zchivitlar oilasining uyi Istanbul shahrining eng manzarali tumanlaridan birida joylashgan. Panorama oynali balkondan tashqariga chiqsangiz, tabiatning ajoyib ko‘rinishidan bahramand bo‘lasiz.
Hovli va keng bog‘ alohida e’tiborga loyiq. Unda tabiat qo‘ynida hordiq chiqarish uchun barcha qulaylik va go‘zalliklar mavjud.
Burak va Fahriyening Turkiyada boshqa uylari ham mavjud, ammo oila aynan shu xonadonda ko‘proq vaqt o‘tkazishni yoqtiradi.
Izoh (0)