“Дўстлар” ситкомининг юлдузи, “Эмми” ва “Олтин глобус” мукофотлари совриндори актриса Женнифер Энистон 2011 йилдан Лос-Анжелесдаги ҳашаматли уйида яшаб келмоқда. Юлдузнинг янги вилласи Голливуд юлдузлари ва маҳаллий тадбиркорлар орасида машҳур бўлган Бель-Эйр ҳудудида жойлашган. Қуйида мазкур уй интерьери билан яқиндан танишамиз.
Уй архитектураси 1965 йилда Куинси ДЖонес томонидан модернистик услубда ишлаб чиқилган. Ўша даврда бундай услуб Голливуд архитектурасининг энг илғор йўналиши ҳисобланган.
Актриса хонадон интерьерини тузишда фаол иштирок этган:
“Мен авваллари бирор интерьер дизайн ва архитектура шайдоси эмас эдим, аммо айнан шу виллага қадам қўйгач, қаерда яшашни истаётганимни англадим”, — дейди Энистон.
Интерьерда фойдаланилган турли материаллар, тўқимачилик ва қўл меҳнати буюмлари Лос-Анжелесдаги вилланинг дизайнини чинакамига ноёб қилади. Тартиб ва нафис дид билан танланган мебел ва санъат предметлари уйга ўзгача кўрк бағишлайди.
Женнифер Энистон уйи тўлиқ таъмирдан ўтишидан аввал интерьер-дизайнер Стивен Шендлига ёғоч, тош ва бронзани яхши кўришини айтди ва дизайнер лойиҳада мазкур материаллардан усталик билан фойдаланди. Натижада ўтган аср ўрталари дизайнига хос мебел ва қўлда ишланган девор гулқоғозлари ажиб эклектик муҳитни яратди.
Изоҳ (0)