So‘nggi 24 soat ichida Ukrainaning Rossiyaga qarashli Belgorod viloyatiga uyushtirgan hujumlari natijasida 20 dan ortiq binolarga shikast yetdi. Bu haqda “TASS” nashri xabar berdi.
Belgorod gubernatori Vyacheslav Gladkov talafotlar haqida xabar bergan. Unga ko‘ra, viloyat hududidagi 20 ga yaqin xususiy uy xo‘jaligi, 4 ta ko‘p qavatli uy va 13 ta avtomobil hujumlarda shikastlangan.
“Ukraina havo hujumidan so‘ng Dubovskoye qishloq aholi punktida turli xil vayronalar aniqlandi: 5 ta xususiy uy, 3 ta turar joy binosi, 3 ta xo‘jalik binosi, sanoat binosi, savdo majmuasi va 4 ta avtomobil zarar ko‘rdi”, — deyiladi viloyat rasmiylari bayonotida.
Manbada qo‘shimcha qilinishicha, Tavrovskoye posyolkasida 6 ta xususiy uy va bitta avtomobil shikastlangan. Razumenskoye va Belovskoye aholi punktlarida bittadan uy vayron bo‘lgan. Mayskoye, Nikolskoye va Novosadovskoye aholi punktlarida avtomobillar va sanoat binolari shikastlanishi bilan bog‘liq hodisa kuzatilgan.
Viloyat maʼmurlari xabar qilishicha, viloyat hududiga kirib kelgan Ukraina dronlari fuqarolik obyektlariga bombalar tashlagan. Sanoat zonalariga shikast yetkazgan.
Izoh (0)