Сўнгги 24 соат ичида Украинанинг Россияга қарашли Белгород вилоятига уюштирган ҳужумлари натижасида 20 дан ортиқ биноларга шикаст етди. Бу ҳақда “ТАСС” нашри хабар берди.
Белгород губернатори Вячеслав Гладков талафотлар ҳақида хабар берган. Унга кўра, вилоят ҳудудидаги 20 га яқин хусусий уй хўжалиги, 4 та кўп қаватли уй ва 13 та автомобиль ҳужумларда шикастланган.
“Украина ҳаво ҳужумидан сўнг Дубовское қишлоқ аҳоли пунктида турли хил вайроналар аниқланди: 5 та хусусий уй, 3 та турар жой биноси, 3 та хўжалик биноси, саноат биноси, савдо мажмуаси ва 4 та автомобиль зарар кўрди”, — дейилади вилоят расмийлари баёнотида.
Манбада қўшимча қилинишича, Тавровское посёлкасида 6 та хусусий уй ва битта автомобиль шикастланган. Разуменское ва Беловское аҳоли пунктларида биттадан уй вайрон бўлган. Майское, Николское ва Новосадовское аҳоли пунктларида автомобиллар ва саноат бинолари шикастланиши билан боғлиқ ҳодиса кузатилган.
Вилоят маъмурлари хабар қилишича, вилоят ҳудудига кириб келган Украина дронлари фуқаролик объектларига бомбалар ташлаган. Саноат зоналарига шикаст етказган.
Изоҳ (0)