So‘nggi 24 soatda Ukraina kuchlari Rossiyaning Belgorod viloyati chegarasida 40 dan ortiq otishmani amalga oshirdi. Bu haqda “TASS” nashri xabar berdi.
Manbada aytilishicha, otishmalar oqibatida yetti nafar fuqaro jabrlangan. Vafot etganlar haqida maʼlumot taqdim etilmagan.
Chegara chizig‘i bo‘ylab qirqta nuqtada o‘q otishlar sodir bo‘lgan. 5 ta harbiy dron Belgorod viloyati hududiga kirib olishga muvaffaq bo‘lgan.
Ukraina bergan maʼlumotga ko‘ra, Belgorodning 21 tumanidan oltitasi hujumga uchragan. Bombalash va dron hujumlari viloyatning Borisovskiy, Graivoronskiy, Korochanskiy, Krasnoyaruzskiy va Shebekinskiy tumanlarida ham qayd etilgan. 80 ga yaqin ko‘p qavatli uy va xususiy binolar, aloqa inshooti va 45 ga yaqin avtomobil shikastlangan.
Izoh (0)