Rossiya g‘arbidagi Belgorod viloyati maʼmuriyati 19-mart kuni 9000 nafar bola mamlakatning boshqa hududlariga evakuatsiya qilishini eʼlon qildi. Bu haqda The Moscow Times nashri xabar berdi.
Belgorod viloyati gubernatori Vyacheslav Gladkov 15—17-mart kunlari bo‘lib o‘tgan prezidentlik saylovlarida qatnashish uchun saylov uchastkalariga borgan 16 nafar fuqaro transchegaraviy otishmalarda halok bo‘lganini maʼlum qilgan. 98 nafar fuqaro tan jarohati olgan.
Viloyat maʼmuriyati jami 9 ming nafar bola hududdan evakuatsiya qilinishini maʼlum qilgan. 1200 nafar boladan iborat birinchi guruh 22-mart kuni Penza, Tambov va Kaluga markaziy hududlariga evakuatsiya qilinadi.
Rasmiylar holatni Belgorod chegaralari yaqinida ehtimoliy teraktlar sodir bo‘lishi mumkinligi bilan izohlagan. Rossiya saylovlari kunidagi qo‘poruvchiliklar ushbu qarorni chiqarishga asos bo‘lgani aytilgan.
Izoh (0)