2024-yilgi Parij Olimpiadasida ishtirok etadigan rossiyalik va Belaruslik sportchilardan yagona neytral forma kiyish talab qilinmaydi. Bu haqda Xalqaro olimpiya qo‘mitasi bayonotiga asoslanib, “TASS” xabar berdi.
“Neytral sportchilar individual tarzda musobaqalarda qatnashadigan bo‘lgani uchun ulardan yagona forma talab qilmaydi. Biroq barcha musobaqa formalari va musobaqalardan tashqari kiyimlar XOQ Ijroiya kengashining 2023-yil 8-dekabrdagi neytral sportchilarning musobaqalarda ishtirok etish tamoyillarida ko‘rsatilgan yagona ko‘rsatmalarga muvofiq bo‘lishi kerak”, — deyiladi Xalqaro olimpiya qo‘mitasi bayonotida.
Parij Olimpiadasi doirasidagi bahslar 26-iyuldan 11-avgustga qadar bo‘lib o‘tishi belgilangan. Ushbu bahslarda Rossiya va Belarus sportchilariga cheklovlar kiritilishi aytilgan. Parijda ular faqat neytral maqomda chiqishlari mumkin bo‘ladi, ularga o‘z mamlakatlari bilan har qanday ramzni ko‘rsatish va jamoaviy musobaqalarda qatnashish taqiqlanadi. Rossiya rasmiylari XOQ qarorini kamsitish va Olimpiya tamoyillariga zid deb hisoblashini bildirgan.
Izoh (0)