Crocus City Hall savdo majmuasida 22-mart kuni sodir etilgan terakt oqibatida halok bo‘lgan bolalar soni 6 nafarga yetdi. Bu haqda The Moscow Times nashri xabar berdi.
Rossiyaning bolalar huquqlari masalasi bo‘yicha bosh rasmiysi 3-aprel kuni vaziyatga oydinlik kiritgan. Voyaga yetmaganlar bilan bog‘liq holatlar nazorati to‘liq davlat qo‘lida ekanligi aytilgan.
“Hozirda bizda olti nafar halok bo‘lgani hamda yetti nafari yaralangani haqida maʼlumot bor”, — degan Rossiya prezidentining bolalar huquqlari bo‘yicha komissari Mariya Lvova-Belova.
Jarohatlangan bolalarning ikki nafari uyda va besh nafari kasalxonalarda davolanayotgani xabar qilingan. Xabarda qo‘shimcha qilinishicha, bolalardan ikki nafarining holati og‘ir. Uch nafari esa qoniqarli ahvolda.
Izoh (0)