2024 йилда Украина давлат қарзига хизмат кўрсатиш ва тўлаш учун мамлакат бюджетидан 1 триллиондан ортиқ гривна ажратиши керак. Бу тахминан 25,6 миллиард доллар, деди Олий Рада Бюджет қўмитаси раиси Роксолана Пидласа.
“2024 йилда биз давлат қарзини тўлаш ва унга хизмат кўрсатиш бўйича 1 триллиондан ортиқ гривна ажратишга мажбур бўламиз”, — деди у.
Thepage.ua порталининг 2 апрель куни хабар беришича, Украинанинг давлат қарзи даражаси аллақачон ялпи ички маҳсулотнинг 85 фоизидан ошиб кетган. Жорий йилнинг март ойида давлат қарзининг ўсиши кучайди, бунга республика ҳукуматининг 9 миллиард долларлик имтиёзли кредитлар жалб этилиши таъсир кўрсатди.
“РИА Новости”нинг ҳисоб-китобларига кўра, Украинанинг аҳоли жон бошига давлат қарзи даражаси 2014 йилдан бери тўрт бараварга ошган.
АҚШ ҳукумати ҳали ҳам Украинага янги ёрдам пакети бўйича келиша олмаяпти. Конгрессда бу масалани муҳокама қилиш 2023 йилнинг кузидан бери давом этмоқда. Американинг Тhe Hill нашрига кўра, Конгресс Вакиллар палатаси 2025-молия йили учун бюджетни қабул қилишдан олдин Украинага янги ёрдам пакетини маъқулламаслиги мумкин.
850 миллиард долларлик бюджет таклифи президент Жо Байден маъмурияти томонидан 1 март куни эълон қилинган. Бироқ Украинага ёрдам бериш ҳақида ҳеч нарса айтилмаган.
Изоҳ (0)