Туркия президенти Ражаб Тоййиб Эрдўғон ва Эрон раҳбари Иброҳим Раисий 31 март куни телефон орқали гаплашиб, Ғазо анклавидаги сўнгги вазиятни муҳокама қилган. Бу ҳақда Anadolu нашри хабар берди.
Хабарда айтилишича, Ражаб Тоййиб Эрдўғон ва Иброҳим Раисий ўртасидаги телефон суҳбатида икки томонлама муносабатлар, Исроилнинг Фаластин ҳудудига қилган ҳужумлари муҳокама қилинган. Ғазога ёрдамни кенгайтириш масаласи гаплашилган.
“Телефон суҳбатида Туркия-Эрон ўзаро муносабатлари, Исроилнинг Фаластин ҳудудларига уюштирган ҳужумлари ва минтақадаги гуманитар вазият кўриб чиқилди”, — дейилади Туркия алоқа бошқармаси баёнотида.
Суҳбатда Туркия раҳбари “Фатҳ” ва ҲАМАС ташкилотлари ушбу қийин даврда ҳамжиҳатликда ҳаракат қилиши кераклигини билдирган. Бутун Фаластинни ифода этувчи ягона куч мавжуд бўлиши кераклиги айтилган. Шунингдек, Исроилнинг минтақадаги тарангликни тарқатиш ҳаракатларига барҳам бериш учун биргаликда ҳаракат қилиш зарурлигини ҳам таъкидланган.
Изоҳ (0)