Superliga. “OKMK” “Bunyodkor” ustidan kichik hisobda g‘alaba qozondi, “Qizilqum” va “Lokomotiv” o‘yinida durang qayd etildi (video)

Futbol bo‘yicha O‘zbekiston Superligasining 4-turidan o‘rin olgan ikki o‘yin 29-mart, juma kuni bo‘lib o‘tdi.

“OKMK” o‘z maydonida “Bunyodkor”ni kichik hisobda mag‘lub etdi. Uchrashuvdagi yagona gol 83-daqiqada Arihiro Sentoku tomonidan urildi. Qayd etib o‘tish joiz, “qaldirg‘ochlar” futbolchisi Frane Chiryak 38-daqiqada qizil kartochka olib, maydonni tark etdi. Qolgan daqiqalarda “Bunyodkor” bir kishi kam bo‘lib harakat qildi.

Yana bir o‘yinda “Qizilqum” “Lokomotiv”ga qarshi bahs olib bordi. Uchrashuvda darvozalar daxlsizligi saqlanib qoldi va jamoalar durangga imzo chekdi.

Bugungi bellashuvlardan so‘ng musobaqa jadvali quyidagicha ko‘rinish olgan:

Superliga

4-tur

29-mart, juma

“OKMK” – “Bunyodkor” 1:0

Gol: 1:0 — 83 Sentoku.

“OKMK”:  35. Javohir Ilyosov, 2. Akramjon Komilov, 3. Sardor Rahmonov, 4. Mirjamol Qosimov (5. Giorgi Papava, 75), 6. Avazbek O‘lmasaliyev (18. Aziz Xolmurodov, 46), 7. Dilshodbek Ahmadaliyev, 10. Xurshid G‘iyosov, 15. Oybek Rustamov, 20. Islom To‘xtaxo‘jayev, 28. Arihiro Sentoku, 95. Milyan Shkrbich (77. Nodirbek Abdurazzoqov, 46).

“Bunyodkor”: 71. Sarvar Karimov, 3. Mahmudjon Mahamadjonov, 7. Suhrob Izzatov, 8. Frane Chiryak, 9. Umidbek Sultonov (45. Farhod O‘tkurov, 46, 17. Ollabergan Karimov, 71), 10. Rasul Yo‘ldoshev (6. Samir Zelkovich, 78), 14. Mirjahon Mirahmadov, 19. Bilol Tupliyev (92. Toni Yovich, 71), 57. Amir To‘raqulov (11. Temurxo‘ja Abduxoliqov, 84), 66. Azizbek To‘lqunbekov, 77. Muzaffar Olimjonov.

Ogohlantirishlar: Frane Chiryak (8), Anvar G‘ofurov (66), Bilol Tupliyev (67), Akram Komilov (89).

Chetlatish: Frane Chiryak (38).

“Qizilqum” – “Lokomotiv” 0:0

“Qizilqum”: 12. Roberts Ozols, 8. Giorgi Kuxianidze, 11. Akaki Shulaya, 13. Nikolay Tarasov, 22. Shahzod Rahmatullayev (17. Muhammadali G‘iyosov, 46), 23. Samandar Shukurullayev, 25. Azizbek Usmonov, 27. Shahboz Jo‘rabekov, 37. Sherzod Fayziyev (7. Davron Anvarov, 65), 71. Jamoliddin Ubaydullayev, 77. Fayzullobek Jumanqo‘ziyev.

“Lokomotiv”: 1. Abdumavlon Abduljalilov, 2. Abdulazizxon Abdurashidov, 4. Ivan Rogach, 7. Sardor Abdunabiyev (15. Jasur Hakimov, 69), 8. Damyan Krayishnik, 10. Ivan Bulatovich (27. Sobit Sindarov, 84), 14. Dilshod Komilov, 17. Sanjar Tursunov, 22. Muhammadanas Hasanov, 26. Abdulloh Yo‘ldoshev.

Ogohlantirish: Ivan Rogach (79).