Superliga. “Dinamo” “Metallurg” ustidan irodali g‘alabaga erishdi (video)

Futbol bo‘yicha O‘zbekiston Superligasining 4-turida “Dinamo” 28-mart, payshanba kuni “Metallurg”ga qarshi bahs olib bordi.

Uchrashuvning 28-daqiqasida “Metallurg” futbolchisi Sardor Abduraimov hisobni ochdi. 

Ikkinchi bo‘limda, 72-daqiqaga kelib, samarqandliklar hisobni tenglashtirdi. Anvarjon Hojimirzayev penaltini aniq amalga oshirdi. Qayd etib o‘tish joiz, Abror Toshqo‘ziyev ushbu vaziyatda qo‘li to‘pga tegib ketgani uchun qizil kartochka bilan jazolandi. 

O‘yin oxirida esa Xislat Halilov boshi bilan gol urib, “Dinamo”ga g‘alaba keltirdi. 

Shu tariqa “Dinamo” mavsumdagi ilk g‘alabasini qo‘lga kiritdi.

Superliga

4-tur

28-mart, payshanba

“Dinamo” – “Metallurg” 2:1

Gollar: 0:1 — 28 Sardor Abduraimov, 1:1 — 72 Anvarjon Hojimirzayev, 2:1 — 90 Xislat Halilov.

“Dinamo”: 1. Farhod Rahmatov, 3. Ulug‘bek Abdullayev, 7.Fransis Narx, 17. Salim Mustafoyev, 20. Jurani Fransisko Ferreyra, 21. Anvarjon Hojimirzayev, 22. Sanjar Shoahmedov, 30. Abubakr Mo‘ydinov (8. Xislat Halilov, 46), 44. Dushan Miyich, 58. Husniddin G‘ofurov (10. Joel Kojo, 46), 77. Vohidjon Oqbo‘tayev (9. Humoyunmirzo Iminov, 46).

“Metallurg”: 87. Akmal Ortiqov, 14. Abror Toshqo‘ziyev, 5. Rizo Yazdando‘st, 24. Davron Ergashev, 33. Ivan Yosovich, 22. Shahzodbek G‘ofurbekov, 8. Iskandar Shayqulov (6. Xudoyshukur Sattorov, 85), 88. Sirojiddin Qo‘ziyev (19. Ergash Ismoilov, 77), 7. Sardor Abduraimov (31. Marko Milichkovich, 77), 11. Daler Sharipov (97. Boban Jorjevich, 90+2) 10. Shahzod Ubaydullayev (4. Kerim Palich, 77).

Ogohlantirishlar: Abror Toshqo‘ziyev (41), Daler Sharipov (54), Sanjar Shoahmedov (65), Abror Toshqo‘ziyev (71).

Chetlatish: Abror Toshqo‘ziyev (71).