Angliya Premyer Ligasi to‘p olib beruvchi bolalarga to‘pni futbolchilarga qaytarib berishni taqiqladi.
O‘zgarishlarga klublar va o‘yin rasmiylarining fikr-mulohazalari ta’sir qilgani aytilmoqda. Endi maydon chetida turuvchi o‘g‘il yoki qizlar to‘pni to‘g‘ridan-to‘g‘ri o‘yinchilarga uzatmasdan, maydon atrofidagi konuslarga joylashtirishlari kerak bo‘ladi.
Bu to'plarga xizmat ko‘rsatayotgan o‘g‘il va qizlarga ko‘rsatma berish orqali mezbon jamoaning har qanday vaqtni cho‘zish yoki raqib futbolchisining jahlini chiqarish imkoniyatini, shuningdek, to‘pni tezda qaytarish orqali kutilmagan xavfli hujumlar ehtimolini bartaraf etish uchun amalga oshiriladi.
Endi maydonning har ikki tomonida beshta to‘p stansiyasi tashkil qilinadi.
APL nizomining 35-qoidasida shunday deyilgan: “Agar o‘yin to‘pi maydondan chiqib ketsa va o‘sha to‘pni tezda olish iloji bo‘lmasa, o‘yinchilar to‘pni olish uchun eng yaqin konusga borishlari kerak.
To‘p olib beruvchi yordamchilariga to‘pni o‘yinchiga qaytarishga ruxsat berilmaydi. Ular har safar maydon tashqarisiga chiqib ketgan to‘pni bo‘sh konusga qaytarishlari shart”.
Izoh (0)