NATO davlatlariga Rossiya hujumi tahdid solmaydi, biroq ikki tomon o‘rtasida Ukrainada bufer zona qolishi kerak. Bu haqda 29-mart kuni Vengriya bosh vaziri Viktor Orban maʼlum qildi, deya yozmoqda “TASS” nashri.
Viktor Orbanga ko‘ra, Rossiyaning NATOga aʼzo davlatga hujum qilish xavfi yo‘q. U, shuningdek, Moskva Ukrainaning NATOga qabul qilinishiga hech qachon rozi bo‘lmasligini aytgan. Chunki bu voqea alyansni Rossiya chegaralariga yaqinlashtiradi.
Vengriya bosh vaziri siyosiy xaritani qayta ko‘rib chiqishni taklif qilgan. Unga ko‘ra, Rossiyaning yaqin qo‘shnisi bo‘lgan Ukraina uchun xavfsizlik kafolatlari faqatgina bufer zona yaratishdan iborat bo‘lishi mumkin. Agar bu amalga oshmasa, ukrainaliklar o‘z mamlakatini butunlay yo‘qotishi mumkin.
Avvalroq Yevropa rasmiylari Ukrainaning NATO va YIga birvarakayiga qo‘shib olish haqida muhokamalar boshlashgan edi.
Izoh (0)