Rossiya hukumati 29-mart kuni chaqiruv rezervida turgan 130 ming nafar askar harbiy xizmatga chaqirilganini maʼlum qildi. Bu haqda “TASS” nashri maʼlum qildi.
Rossiya Bosh harbiy shtabining tashkiliy va safarbarlik masalalari bo‘yicha boshqarmasi boshlig‘i o‘rinbosari Vladimir Tsimlyanskiy chaqiruv haqida xabar bergan. Tsimlyanskiy, shuningdek, Buryatiya va Shimoliy Osetiya-Alaniya respublikalari, Krasnoyarsk, Stavropol, Volgograd, Voronej, Moskva, Rostov, Saxalin, Samara va Chelyabinsk viloyatlari hamda Moskva shahrida chaqiruv samarali tashkil etilganini xabar qilgan.
“Rossiya prezidenti farmoni bilan belgilangan vazifa o‘z vaqtida va to‘liq bajarildi. Qurolli kuchlar, boshqa qo‘shinlar va harbiy tuzilmalarga jami 130 ming nafar askar muddatli harbiy xizmatga chaqirildi. Chaqiruv kampaniyasida ham avvalgidek kadrlar bilan taʼminlashga alohida eʼtibor qaratildi. Markaziy harbiy qo‘mondonlik organlari bilan hamkorlikda 500 ga yaqin shaxsiy tarkib tanlab olinib, ushbu bo‘linmalarni shtat bilan taʼminlashga yuborildi”, — deyilgan Rossiya rasmiylari bergan maʼlumotda.
Ushbu kampaniya kuzgi chaqiruv ro‘yxati asosida tashkil etilgani xabar qilingan.
Izoh (0)