НАТО давлатларига Россия ҳужуми таҳдид солмайди, бироқ икки томон ўртасида Украинада буфер зона қолиши керак. Бу ҳақда 29 март куни Венгрия бош вазири Виктор Орбан маълум қилди, дея ёзмоқда “ТАСС” нашри.
Виктор Орбанга кўра, Россиянинг НАТОга аъзо давлатга ҳужум қилиш хавфи йўқ. У, шунингдек, Москва Украинанинг НАТОга қабул қилинишига ҳеч қачон рози бўлмаслигини айтган. Чунки бу воқеа альянсни Россия чегараларига яқинлаштиради.
Венгрия бош вазири сиёсий харитани қайта кўриб чиқишни таклиф қилган. Унга кўра, Россиянинг яқин қўшниси бўлган Украина учун хавфсизлик кафолатлари фақатгина буфер зона яратишдан иборат бўлиши мумкин. Агар бу амалга ошмаса, украиналиклар ўз мамлакатини бутунлай йўқотиши мумкин.
Аввалроқ Европа расмийлари Украинанинг НАТО ва ЕИга бирваракайига қўшиб олиш ҳақида муҳокамалар бошлашган эди.
Изоҳ (0)