APL. “Liverpul”dan yirik hisobdagi g‘alaba. Elliotdan 100-o‘yin (video)

Futbol bo‘yicha Angliya Premyer Ligasining 26-turidan o‘rin olgan birinchi bahs bo‘lib o‘tdi. Unda amaldagi peshqadam “Liverpul” o‘zining o‘yinini o‘tkazdi.

Uchrashuvning 12-daqiqasida Chidozi Ogbene mehmonlarni hisobda oldinga olib chiqdi. O‘yinning birinchi taymi shu hisobda yakuniga yetdi.

56-daqiqaga kelib himoyachi van Deyk hisobni tenglashtirdi. 2 daqiqa o‘tib Gakpo mezbonlarni oldinga olib chiqdi. Dias va Elliotning gollari hisobni yirik ko‘rinishga olib keldi.

So‘nggi gol muallifiga aylangan Elliot ushbu uchrashuvda o‘zining yuzinchi o‘yinini o‘tkazdi.  

Ushbu uchrashuvdan so‘ng “Liverpul” o’z hisobidagi ochkolar sonini 60 ta yetkazib oldi. 

APL

26-tur

“Liverpul” – “Luton” 4:1

Gollar: 0:1 – 12 Ogbene, 1:1 – 56 van Deyk, 2:1 – 58 Gakpo, 3:1 – 71 Dias, 4:1 – 90 Elliott.

“Liverpul” – Kellexer, Bredli (Robertson, 68), van Deyk, Kuansa, Gomes, Endo, Mak Allister (Makkonnell, 89), Gravenberx (Klark, 78), Elliott, Dias (Danns, 89), Gakpo.

“Luton” – Kaminski, Bell, Osho, Mendji, Dauti (Kabore, 74), Barkli, Chong (Klark, 63), Lokonga (Raddok-Mpanzu, 46), Ogbene, Vudrou (Taunsend, 58), Morris.

Ogohlantirishlar: Dauti (18), Vudrou (42), Barkli (77), Gomes (82), Kabore (89).