Sobiq futbolchi Zlatan Ibrahimovich o‘zining ramziy terma jamoasini tuzdi.
Zlatan 12-mart kuni Qirollar ligasi (Kings League) jamoalari o‘rtasidagi jahon chempionati prezidentiga aylangan edi.
Ibrahimovich ushbu turnir uchun mos keladigan ramziy terma jamoaga kirishi mumkin bo‘lgan futbolchilarni sanadi. Ro‘yxatdan 7 nafar futbolchi joy oldi: Janluijji Buffon, Alessandro Nesta, Tyago Silva, Xavi, Zinedin Zidan, Ronaldinyo va Ronaldo.
Nega o‘zini bu ro‘yxatga kiritmagani haqidagi savolga u: “Men bu jamoaga kirmayman, men sherman va odamlar bilan futbol o‘ynamayman. Murabbiy va prezident bo‘laman, qachonki, kimdir charchab qolsa, uning o‘rniga maydonga tushishim mumkin”, — deb javob berdi.
Izoh (0)