Opta Sports nashri 28 tur natijalariga ko‘ra jamoalarning 2023/2024-yilgi mavsumda Angliya Premer Ligasida g‘olib bo‘lish imkoniyatlarini hisoblab chiqdi.
Statistika bilan shug‘ullanuvchi platforma “Manchester Siti” klubini asosiy favorit deb hisoblab, “shaharliklar”ning Premyer Ligada g‘alaba qozonish ehtimolini 46 foizga baholagan.
“Liverpul”ning chempion bo‘lish ehtimoli 35 foizga baholanmoqda. Ayni damda turnir jadvalida birinchi o‘rinda borayotgan Londonning “Arsenal” jamoasining chempionlikni qo‘lga kiritish ehtimoli bor-yo‘g‘i 19 foizni tashkil etadi.
Eslatib o‘tamiz, Angliya chempionatining 28-turidan keyin “Arsenal” 64 ochko bilan turnir jadvalida peshqadamlik qilmoqda. “Liverpul”da 64 ochko bor va ikkinchi o‘rinda bormoqda. “Manchester Siti” jamoasi 63 ochko jamg‘arib, uchinchi o‘rinni egallab turibdi.
Izoh (0)