Англия Премьер Лигаси тўп олиб берувчи болаларга тўпни футболчиларга қайтариб беришни тақиқлади.
Ўзгаришларга клублар ва ўйин расмийларининг фикр-мулоҳазалари таъсир қилгани айтилмоқда. Энди майдон четида турувчи ўғил ёки қизлар тўпни тўғридан-тўғри ўйинчиларга узатмасдан, майдон атрофидаги конусларга жойлаштиришлари керак бўлади.
Бу тўпларга хизмат кўрсатаётган ўғил ва қизларга кўрсатма бериш орқали мезбон жамоанинг ҳар қандай вақтни чўзиш ёки рақиб футболчисининг жаҳлини чиқариш имкониятини, шунингдек, тўпни тезда қайтариш орқали кутилмаган хавфли ҳужумлар эҳтимолини бартараф этиш учун амалга оширилади.
Энди майдоннинг ҳар икки томонида бешта тўп станцияси ташкил қилинади.
АПЛ низомининг 35-қоидасида шундай дейилган: “Агар ўйин тўпи майдондан чиқиб кетса ва ўша тўпни тезда олиш иложи бўлмаса, ўйинчилар тўпни олиш учун энг яқин конусга боришлари керак.
Тўп олиб берувчи ёрдамчиларига тўпни ўйинчига қайтаришга рухсат берилмайди. Улар ҳар сафар майдон ташқарисига чиқиб кетган тўпни бўш конусга қайтаришлари шарт”.
Изоҳ (0)