Toshkent viloyatida obodonlashtirish tadbirlari uchun mablag‘ ajratildi, deb xabar bermoqda viloyat hokimligi axborot xizmati.
Unga ko‘ra, Piskent tumanining “Istiqlol”, Yangiyo‘l tumanining “G‘alaba” hamda Chinoz tumanining “Birlik” mahallalari obodonlashtirilib, infratuzilmani yaxshilash tadbirlari amalga oshiriladi. Bu haqda Toshkent viloyati hokimi Zoir Mirzayev tegishli farmoyishni imzoladi.
Mazkur doiradagi tadbirlarni bajarish uchun viloyat mahalliy byudjetining 2024-yil boshiga shakllangan erkin qoldiq mablag‘lari hisobidan 3 milliard so‘m miqdorda mablag‘ ajratildi.
Izoh (0)