Sirdaryo viloyati Mirzaobod tumanida “Ekskavator-pogruzchik” texnikasini qimmat narxda xarid qilish holati aniqlandi, deb xabar beradi Bosh prokuratura huzuridagi departament.
Qayd etilishicha, departamentning Mirzaobod tuman bo‘limi tomonidan tergovga qadar tekshiruv o‘tkazilgan. Tekshiruvda tuman Obodonlashtirish boshqarmasi masʼul shaxslari “Ekskavator-pogruzchik” texnikasini haqiqiy bahosidan 215,1 million so‘mga qimmat narxda xarid qilib, byudjet mablag‘larini rastrata qilish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Xorazmda obodonlashtirish boshqarmasi mas’ullari qurilish materiallarini 571 mln so‘m qimmatga sotib olgani ma’lum bo‘lgandi.
Izoh (0)