Xorazm viloyatining Xiva shahrida 18 ta jarimasi bor Cobalt jarima maydonchasiga joylashtirilgach, qarzdor barcha jarimalarni to‘ladi. Bu haqda MIB axborot xizmati “Daryo”ga xabar berdi.
Unga ko’ra, Xorazm viloyati IIB YHXBning qarorlariga asosan javobgardan davlat foydasiga jami 18 ta 11,4 million so‘mlik ma’muriy jarimalarni undirish to‘g‘risidagi ijro hujjatlari yuzasidan byuroning Xiva tumani bo‘limi tomonidan ijro harakatlari olib borilgan. Qarzdorga davlat oldidagi majburiyatini bajarishi uchun ixtiyoriy muddat berilgan.
Lekin u ixtiyoriy muddat ichida ijro hujjatlari ijrosini ta’minlash chorasini ko‘rmagani sababli undiruv qarzdorga tegishli bo‘lgan Cobalt’ga qaratilgan. Olib borilgan majburiy ijro harakatlari davomida avtotransport vositasining turgan joyi aniqlanib, xatlangan va jarima maydoniga olib kirilgan.
Shundan so‘ng qarzdor barcha jarimalarini to‘ladi.
Izoh (0)