Issiqlik tarmoqlarini sinovlardan o‘tkazish maqsadida Toshkent shahrining ayrim hududlarida 1 kunga issiq suv taʼminoti o‘chiriladi. Bu haqda Veolia Energy Tashkent matbuot xizmati xabar berdi.
Maʼlum qilinishicha, issiqlik tarmoqlaridagi nuqsonlarni aniqlash va keyingi isitish mavsumi boshlanishidan oldin ularni bartaraf etish uchun issiqlik tarmoqlarini mo‘ljallangan harorat bo‘yicha sinovdan o‘tkazish zarur hisoblanadi.
Sinovlar davomida issiqlik tarmoqlari quvurlarining shikastlanishi va issiq suv yo‘llar va yo‘laklarga oqib chiqishi mumkin.
“Haydovchilar, piyodalar hamda maʼmuriy va turar joy binolaridagi yurtdoshlarimizdan eʼtiborli va ehtiyot bo‘lishlarini so‘raymiz. Nosozliklar aniqlangan taqdirda (78) 129-01-85 telefon raqami orqali maʼlum qilishingizni so‘raymiz”, — deyiladi xabarda.
Issiq suv o‘chiriladigan manzillar:
Amir Temur, Mustaqillik shoh ko‘chalari, Navoiy, Bobur, Glinka, Qumariq, Yahyo G‘ulomov, Buyuk Turon, Istiqbol, Zarafshon, Maxtumquli, Islom Karimov, Buxoro, Istiqlol, Sodiq Azimov, Said Baraka, Matbuotchilar, Sayilgoh, Shastri, Elbek, Kichik halqa yo‘li, Shahrisabz, Taras Shevchenko, Nukus, Oybek, Kichik Beshyog‘och, Abdulla Qahhor, Haydar Aliyev, Oltin vodiy, Fidokor, Avliyoota, Moshtabib, Mirobod ko‘chalari, M-1,2,4,5,7 Qushbegi, Boshliq dahalari, Uchuvchilar shaharchasi.
Izoh (0)