Yunusobod, Mirzo Ulug‘bek, Olmazor va Shayxontohur tumanlarining ayrim hududlarida issiq suv va issiqlik ta’minoti vaqtincha to‘xtatiladi. Bu haqda Veolia Energy Tashkent kompaniyasi xabar berdi.
Ma’lum qilinishicha, issiqlik tarmoqlarida avariyaviy ta’mirlash ishlari olib borilishi va tegishli jihozlarni almashtirish munosabati bilan bugun, 24-noyabr kuni quyidagi manzillarda issiq suv va issiqlik taʼminoti vaqtincha to‘xtatiladi:
- Yunusobod tumani — Amir Temur ko‘chasi (1, 2, 2a uylar), Mudofaachilar ko‘chasi (65a, 72-uylar), Niyozbek yo‘li ko‘chasi (1, 16-uylar), Gidrometeorologiya markazi, S-2, S-3, S-5, S-7.
- Mirzo-Ulug‘bek tumani — Hamid Olimjon maydoni (1b, 2b, 3b, 4b, 5, 7-uylar), Mustaqillik ko‘chasi (22, 42-uylar), S-1, S-21, S-23, S-25.
Issiq suv va issiqlik taʼminoti ta’mirlash ishlari yakunlanishi bilan (taxminan 24-noyabr yarim tungacha) tiklanadi.
Shuningdek, quyidagi manzillarda ham issiq suv va issiqlik ta’minoti taxminan soat 21:00 ga qadar o‘chiriladi:
- Olmazor tumani — Qoraqamish dahasi 2/1, 2/3, 2/4, 2/5.
- Shayxontohur tumani — Ibn Sino 1 dahasi.
Veolia Energy Tashkent MChJ XK vaqtinchalik noqulayliklar uchun oldindan uzr so‘raydi va issiq suv ta‘minoti va isitish tizimini tezroq tiklash uchun barcha zarur choralarni ko‘radi.
Avvalroq Toshkentdagi budjet tashkilotlari va yuridik shaxslar uchun 1-dekabrdan issiqlik taʼminoti tariflari oshishi to‘g‘risida xabar berilgandi.
Izoh (0)