Falastin tashqi ishlar vazirligi ishg‘ol qilingan G‘arbiy Sohil hududidagi badaviylar jamoasiga qarshi uyushtirilgan Isroil hujumlarini qoralab chiqdi. Bu haqda Al Jazeera nashri xabar berdi.
Xabarda aytilishicha, Isroildan okkupatsiya qilingan G‘arbiy Sohil hududiga ko‘chirib keltirilganlar Falastinning tobora ko‘proq hududini egallashga urinmoqda. Ko‘chirilgan isroilliklar Marajot hududidagi falastinliklarning uyini yoqib yuborgan. Jiftlik qishlog‘idagi yana bir uyni buzib tashlashga urinishgan.
“Vazirlik ushbu tajovuzkor urushni o‘ta jiddiylik bilan kuzatadi. Buni ko‘chmanchilar uyushmalarining Falastin yerlarini talon-toroj qilish va o‘g‘irlashga urinishi deb hisoblaydi”, — deyiladi Falastin Tashqi ishlar vazirligi bergan bayonotda.
Xabarda aytilishicha, Isroilning o‘ta o‘ng qanot vazirlari ko‘chirilgan isroilliklar hujumlaridan xabardor va ularni qo‘llab-quvvatlashini maʼlum qilgan. Hududga yana isroilliklar ko‘chib kelishini rag‘batlantirgan.
Izoh (0)