Falastin “Islomiy jihod” tashkiloti rahbari Ziyod an-Naxala Tehronda Eron oliy rahbari Oyatulloh Ali Xomanaiy bilan uchrashdi. Bu haqda Al Jazeera nashri xabar berdi.
Tashkilot rahbari Eron rahbariyati bilan uchrashuvda maʼlum qilishicha, falastinlik jangchilar urush boshlanganidan beri aqlbovar qilmaydigan qarshilik va chidam ko‘rsatgan. Falastin qarshilik fronti Isroil va Qo‘shma Shtatlarni mag‘lubiyatga uchratishga qatʼiy kirishgan.
“G‘azo xalqi va qarshilik kuchlari so‘nggi g‘alabaga qadar o‘z pozitsiyalarida turadilar. Qatʼiyat va Xudoning inoyati bilan g‘alaba yaqin kelajakda qo‘lga kiritiladi”, — deyilgan rasmiylar bergan bayonotda.
Eron hukumati uchrashuv tafsilotlari haqida maʼlum qilmagan. Tehronda Eron oliy rahnamosi bilan qanday kelishuvga erishilgani borasida ham hech qanday maʼlumot yo‘q.
Oldinroq HAMAS siyosiy byurosi rahbari Ismoil Haniya ham Eronga tashrif buyurgan edi. Tashrif davomida tomonlar o‘rtasida hamkorlik masalalari muhokama qilingan.
Izoh (0)