Argentina prezidenti Xavyer Miley qancha maosh olishini bilmasligini, uning pullarini singlisi boshqarishini aytdi. Bu haqda u Canal 13 dagi teledasturda gapirdi.
“Bilmayman, hech qachon maoshimga qaramaganman. Pullarimni singlim boshqaradi. Temirchining uyidagi hamma pichoqlar yog‘ochdan”, — dedi Miley prezident sifatida qancha maosh olishi haqidagi savolga javoban.
Miley 2023-yil noyabrdagi saylovlardan so‘ng Argentina prezidenti bo‘ldi. U 56 foiz, uning raqibi, o‘sha paytdagi hukmron koalitsiya nomzodi, iqtisodiyot vaziri Serhio Massa esa 44 foiz ovoz olgan.
10-dekabr kuni Miley rasman davlat rahbari lavozimiga kirishdi va yangi hukumatga “yashirincha” qasamyod qildi. 12-dekabr kuni inauguratsiya marosimidan keyin Buenos-Ayres ko‘chalari bo‘ylab o‘tgan parad chog‘ida Argentinaning prezidentiga shisha butilka uloqtirishdi.
Xaver Miley 53, uning singlisi Karina 50 yoshda. Prezidentlik g‘alabasidan oldin ayol saylovoldi strategiyasi ustida ishlagan. Ovoz berish natijalari e’lon qilingandan so‘ng, Xavyer “Karinasiz hech narsaga erisha olmagan bo‘lardim”, deb aytdi.
Izoh (0)