Montana respublikachi senatori Stiv Deyns matbuot anjumanida jurnalistlarga “yuqori martabali amaldor” uni markaziy osiyolik 50 mingga yaqin “noqonuniy” muhojir, shuningdek, “terrorchilar yashiringan hujralar” haqida ogohlantirganini aytdi. Bu haqda “exclusive.kz” maʼlum qildi.
Migratsiya siyosati instituti maʼlumotlariga ko‘ra, 2021-yilda mamlakatda jami 331,9 million kishi istiqomat qilib, taxminan, 45,3 millioni immigrantlar ulushiga to‘g‘ri kelgan. Har yili bir millionga yaqin muhojir AQSHga qonuniy ravishda kiradi. 2013-yildan 2022-yilgacha Markaziy Osiyo davlatlaridan Amerikaga taxminan 68 725 kishi ko‘chib kelgan.
Noqonuniy migratsiya,
statistik maʼlumotlarga ko‘ra, 2013-yildan 2022-yilgacha Amerika huquq-tartibot idoralari Markaziy Osiyodan 10 764 kishini hibsga olgan va deportatsiya qilgan:
Qozog‘iston – 1531;
Qirg‘iziston – 1535;
Tojikiston – 734;
Turkmaniston – 310;
O‘zbekiston – 6654 kishi.
2022-yilda markaziy osiyolik qo‘lga olingan “noqonuniy muhojirlar” soni keskin oshishi respublikachi senator Stiv Deynsning noqonuniy migrantlar haqidagi maʼlumotlarining bilvosita tasdig‘i bo‘lishi mumkin.
Qozog‘istonlik siyosatshunos Mara Gubaydullina AQSH senatorining bayonotlari saylov poygasining bir qismi bo‘lishi mumkinligini taʼkidlagan. Uning fikricha, Markaziy Osiyoning tilga olinishi mintaqaning xalqaro siyosatdagi roli ortib borayotganidan dalolat beradi.
Rossiya siyosatshunoslar jamiyati tahliliy markazi direktori Andrey Serenkoga ko‘ra, Markaziy Osiyo Sharq va G‘arb o‘rtasidagi shiddatli geosiyosiy raqobat maydoniga aylangan. Mutaxassis buning ham ijobiy, ham salbiy tomonlarini sanab o‘tgan.
Afzalliklardan biri, mintaqa davlatlari uchun Moskva, Pekin va ularning g‘arblik raqobatchilari o‘rtasidagi ziddiyatlarda ishtirok etish imkoniyatidir.
Bu yangi sarmoyalar, siyosiy qo‘llab-quvvatlash, yangi rivojlanish imkoniyatlarini yaratadi.
Salbiy tomoni esa mahalliy elitalar sanksiyalar va Afg‘onistonda joylashgan jihodiy guruhlar kabi harbiy kuchlardan ochiq foydalanish ko‘rinishida tahdid qiladi.
Izoh (0)