Jahon banki direktorlar kengashi Ukrainaga “O‘sish asoslari” rivojlanish siyosatini qo‘llab-quvvatlash uchun 1,5 milliard AQSH dollari miqdorida qarz ajratishni maʼqulladi. Bu haqda Ukraina hukumatiga tayanib, Deutsche Welle xabar berdi.
Ushbu mablag‘ning asosiy qismi — 984 million dollari Yaponiya hukumati kafolati, 516 million dollari esa Buyuk Britaniya kafolati bo‘yicha beriladi. Mablag‘ joriy yilning mart oyi oxirigacha Ukraina byudjetiga tushishi kutilmoqda.
Yig‘ilgan mablag‘lar davlat hukumatini, Ukraina byudjetini qo‘llab-quvvatlash va iqtisodiyotni tiklash, davlat byudjetining ustuvor xarajatlarini moliyalashtirish uchun ishlatiladi, — dedi Ukraina moliya vaziri Sergey Marchenko.
Ukraina bosh vaziri Denis Shmigal mazkur pullar eng muhim byudjet xarajatlarini qoplashga, jumladan, ijtimoiy, gumanitar maqsadlar va rekonstruksiya uchun yo‘naltirilishini qo‘shimcha qilgan.
Izoh (0)