O'zbekistonning Uzum raqamli ekotizimi 100 million dollardan ortiq mablag‘ni jalb qildi va mamlakat tarixidagi birinchi texnologik “yakkashox” kompaniya bo‘lib, uning bahosi 1 milliard dollardan oshdi. “series A”da lid-investor sifatida “Finsight Ventures” global venchur fondi (Intercom, ThoughtSpot, Automation Anywhere, Toss, GupShup, Razorpay, Bumble, Rappi, Carta va boshqalarga investitsiya kiritishgan), “Xanara Investment Management” (Fors ko'rfazi mintaqasiga ixtisoslashgan Hindistondan boshqaruv kompaniyasi) va Uzum ekotizimining bir qator top-menejerlari ushbu raundga izdoshlar sifatida qo'shilishdi. Kapitalga investitsiyalar 50 million dollardan oshdi, 50 million dollardan ko‘proq mablag‘ni ekotizim ilgari qarz mablag‘lari shaklida jalb qilgan — shu tariqa Uzumga investitsiyalarning umumiy hajmi 100 million dollardan oshdi.
2024 yilda ekotizim mamlakatdagi eng yirik onlayn savdo uchun logistika kompleksini ishga tushirishni rejalashtirmoqda, bu esa o'sha yilning o’zidayoq e-commerce aylanmasini 2,5 baravar oshirishga imkon beradi. Uzum shuningdek, jismoniy shaxslarga, kichik va o'rta biznesga kafolatsiz kredit berish sohasida bir qator ekotizim mahsulotlarini ishga tushiradi. Raund doirasida jalb qilingan mablag'larini Uzum mamlakatda IT va logistika infratuzilmasini rivojlantirishga, shuningdek, o'z muddatl to‘lov servislarini fondlashtirishga yo'naltirishni rejalashtirmoqda.
— O'zbekistonda raqamli servislar bugungi kunda nihoyatda katta talabga ega, biz buni o'zimiz ishlayotgan bozorlarning o'sish ko'rsatkichlari bo'yicha va o‘z tajribamiz asosida ko‘rib turibmiz — bir yildan sal ko'proq vaqt ichida biz servislaridan har oyda 10 milliondan ko‘proq O‘zbekiston aholisi foydalanadigan ekotizimni qurdik, — deydi Uzum asoschisi va bosh direktori Djasur Djumayev. — O'tgan yili biz 100 million dollarga yaqin sof foyda oldik va bu yil ushbu ko'rsatkichni, shu jumladan Uzum ekotizimi ichidagi servislarinining integratsiyasi orqali oshirish niyatidamiz. Bu yil ekotizimda biznes va xususiy foydalanuvchilar uchun yangi yo'nalishlar va servislar paydo bo'ladi. Biz O'zbekiston bozori va Uzum raqamli ekotizimiga uning drayverlaridan biri sifatida katta qiziqishni ko‘rmoqdamiz va bu, albatta, mamlakat tarixidagi birinchi texnologik yakkashoxni yaratgan xalqaro darajadagi mutaxassislarning noyob jamoasisiz mislsiz edi.
Uzum raqamli ekotizimi jismoniy shaxslar va kichik va o'rta biznes uchun e-commerce, FinTech va bank servislarini birlashtiradi: marketpleys, ekspress-yetkazib berish servisi, klassik va raqamli banklar, BNPL-servis, avtomobil sotib olish platformasi, shuningdek tadbirkorlar uchun ilova. Endi ekotizimning barcha tarkibiy qismlari ikkita superappga integratsiyalashuv yo'lidan bormoqda: jismoniy shaxslar uchun Uzum va yuridik shaxslar uchun Uzum Business. 2023 yilda, birinchi to'liq ish yilida, Uzum ekotizimining oylik auditoriyasi (MAU) 10 millionga, sof foydasi esa 100 million dollarga yetdi. Bundan tashqari, Uzumning chakana banking va FinTech bloki mamlakatdagi daromadlar bo'yicha yetakchilardan biriga aylandi, e-commerce yo‘nalishi esa foydalanuvchilar va buyurtmalar soni bo'yicha O'zbekistondagi eng yirik onlayn platforma bo'lib, uning aylanmasi 150 million dollarni tashkil etdi.
— Biz AQSh va Hindistondagi FinTech, B2B SaaS, e-commerce kabi bozor segmentlariga ixtisoslashganmiz, shuningdek, rivojlanayotgan bozorlardagi "superapplar" ga sarmoya kiritamiz, — deydi “Finsight Ventures” kompaniyasining boshqaruvchi hamkori Aleksey Garyunov. — Qulay to'lov yechimlari va onlayn savdo platformasini birlashtirgan Uzum atigi ikki yillik faoliyati davomida mamlakatda yuklab olishlar soni bo'yicha eng yaxshi 3 talikka kiruvchi ilovani ishga tushirib, messenjerlar va ijtimoiy tarmoqlardan keyin ikkinchi o'rinni egallab, ajoyib natijalarga erishdi. Uzum bugungi kunda turli vertikallar o'rtasida kuchli tarmoq effektlari va sinergiyalarni shakllantirgani tufayli asosiy biznes vertikallari (FinTech va e-commerce) bo'yicha milliy yetakchiga aylandi. O'zbekiston — iste'molchilar offlayndan to'g'ridan-to'g'ri mobilga (veb-brauzer bosqichini chetlab o'tib) o'tgan bozorlardan biri bo'lib, bu bozorni bank, FinTech, e-commerce va boshqa servislarni iste'molchilar va tadbirkorlar uchun ekotizimga birlashtirgan superapp yaratish uchun ideal qiladi. Biz qo‘shni Qozog'istonda Kaspi.kz’ning, Lotin Amerikasida — Rappi va Janubiy Koreyada Toss superapp yaratishdagi muvaffaqiyatli tajribasini kuzatdik va Uzum zarur iste'dodlar, resurslar va mahsulotlarga ega bo'lib, bu muvaffaqiyatni takrorlab, O'zbekistonda milliy texnologik yetakchi bo'lishiga aminmiz.
KPMG mamlakatdagi e-commerce bozorini Markaziy Osiyoda eng tez rivojlanayotgan bozor sifatida baholaydi, kelgusi 5 yil ichida x7 o'sish potentsialiga ega. Shu bilan birga, 2023 yilda mamlakat yalpi ichki mahsuloti 6 foizga o'sdi va kelgusi 7 yil ichida O'zbekiston uni ikki baravar oshirishni rejalashtirmoqda. Mamlakat iqtisodiyotining o'sishi va faol raqamlashtirilishi uchun imkoniyatlar orasida mutaxassislar Internet, yosh aholi, shuningdek, bank va moliyaviy xizmatlarning hozircha past darajada kirib borishini ta'kidlaydilar.
— Yagona platforma va superapp doirasida xususiy foydalanuvchilar va yuridik shaxslar uchun marketpleys, qulay to'lov yechimlari va moliyaviy servislarni birlashtirish bizga mamlakat uchun unikal servislarni rivojlantirishga imkon beradi, — deydi Uzum strategiya va biznesni rivojlantirish bo'yicha direktori Nikolay Seleznev. — Internetning kirib borishi va smartfon foydalanuvchilari sonining ko'payishi bilan onlayn to'lovlar bozori hajmi ham oshadi: 2026 yilga kelib, bizning taxminimizcha, u 6 baravar, e-commerce bozori o'sha davrda 8-9 baravar, FinTech esa 8 baravar ko'payadi. Va ushbu yo'nalishlarning har birida biz allaqachon qulay va ishonchli нechimlarni taklif qilamiz va “FinSight Ventures” va “Xanara” investitsiyalari tufayli biz o'sish tempini saqlab qolishimiz mumkin.
Raund natijalariga ko'ra, investorlar 5% dan kam paketni olishadi. 2024 yil davomida Uzum ekotizimi Yaqin Sharq mamlakatlari, Buyuk Britaniya va AQSh fondlari ishtirokida davomida 200 million dollar jalb qilishni rejalashtirmoqda.
FinSight haqida
FinSight Ventures — bu FinTech, B2B SaaS, elektron tijorat kompaniyalari va texnologik bozorning boshqa segmentlariga sarmoya kiritishga ixtisoslashgan venchur fondi. FinSight Ventures turli bosqichlarga (“seed”dan boshlab “post”gacha) sarmoya kiritadi va texnologik kompaniyalarni shakllantirishning butun tsiklini qamrab oladi. FinSight AQSh va Hindiston bozorlariga ixtisoslashgani va rivojlanayotgan bozorlarda “superapp” investitsiya tezisiga global miqyosda sarmoya kiritadi. Bugungi kunda FinSight 500 million dollardan ortiq aktivlarni boshqaradi va 2004 yilda tashkil etilganidan beri investorlarga 600 million dollardan ortiq kapitalni qaytarib berdi. Fondning eng yirik bitimlaridan biri — 2019-yilda Blackstone tomonidan sotib olingan Bumble kompaniyasiga sarmoya kiritish, kompaniyaning bahosi $3b tashkil etgan edi. Finsight VC kompaniyaning yagona moliyaviy investori bo'lib, uni dastlabki bosqichdanoq qo'llab-quvvatlagan.
Xanara haqida
Xanara Investment Management — Dubayda (BAA) joylashgan multi-family offiсe bo‘lib. Kompaniya mijozlar aktivlarini boshqarishga ixtisoslashgan, family office xizmatlarini taqdim etadi va kapitalni yaratish va saqlash bilan bog'liq masalalarni nazorat qiladi.
Uzum haqida
Jismoniy shaxslar va kichik va o'rta biznes uchun e-commerce, FinTech va bank xizmatlarini birlashtirgan O'zbekiston raqamli ekotizimi: marketpleys, ekspress-yetkazib berish servisi, klassik va raqamli banklar, BNPL-servisi, avtomobil sotib olish platformasi, shuningdek tadbirkorlar uchun ilova. Har oyda O'zbekistonning 10 milliondan ortiq aholisi Uzum servislaridan foydalanadi. Ekotizim 2022-yilda tadbirkor Djasur Djumayev va o'zbekistonlik sheriklar tomonidan tashkil etilgan.
Sheriklik huquqi asosida.
Izoh (0)