Shavkat Mirziyoyev Namangan viloyati imkoniyatlarini ishga solish masalalariga bag‘ishlangan yig‘ilishda aholi zichligi katta bo‘lgan ushbu viloyatda uy-joy qurish ishlarini kengaytirish zarurligini aytdi.
Yig‘ilishda shahar va mahalla infratuzilmasini yaxshilash masalalari ham muhokama qilingan. Ikki yil oldin 1 ming 203 gektarda 200 ming aholi uchun Yangi Namangan shahri qurilishi boshlangandi. Qayd etilishicha, joriy bosqichda 20 ming xonadonli turar joy, IT Park, mehmonxona, biznes markazi, shuningdek, 68 gektarda “Yangi O‘zbekiston” bog‘i qurilishi boshlanadi.
Shuningdek, Chust va Pop tumanida 10 ming aholi uchun “Yangi O‘zbekiston” massivlari qurilishiga start beriladi.
Prezident 2023-yilning aprelida o‘tkazgan yig‘ilishda “Yangi O‘zbekiston” massivlari bo‘yicha Farg‘onada 80 ta, Samarqandda 36 ta, Toshkent viloyatida 15 ta, Namanganda 14 ta uyni foydalanishga topshirish cho‘zilib ketayotganini ko‘rsatib o‘tgandi.
Shu munosabat bilan, Buxoro, Qashqadaryo, Navoiy, Namangan, Samarqand, Surxondaryo, Sirdaryo, Farg‘ona va Toshkent viloyati hokimlarining qurilish bo‘yicha o‘rinbosarlari, Markaziy bankning viloyat bo‘linmalari rahbarlariga hayfsan eʼlon qilingandi.
Izoh (0)