Uzum экотизими 100 миллион доллардан кўпроқ маблағ жалб қилди

Ўзбекистоннинг Uzum рақамли экотизими 100 миллион доллардан ортиқ маблағни жалб қилди ва мамлакат тарихидаги биринчи технологик “яккашох” компания бўлиб, унинг баҳоси 1 миллиард доллардан ошди. “series А”да лид-инвестор сифатида “Finsight Ventures” global venchur fondi (Intercom, ThoughtSpot, Automation Anywhere, Toss, GupShup, Razorpay, Bumble, Rappi, Carta ва бошқаларга инвестиция киритишган), “Xanara Investment Management” (Форс кўрфази минтақасига ихтисослашган Ҳиндистондан бошқарув компанияси) ва Uzum экотизимининг бир қатор топ-менежерлари ушбу раундга издошлар сифатида қўшилишди. Капиталга инвестициялар 50 миллион доллардан ошди, 50 миллион доллардан кўпроқ маблағни экотизим илгари қарз маблағлари шаклида жалб қилган — шу тариқа Uzumга инвестицияларнинг умумий ҳажми 100 миллион доллардан ошди.

2024 йилда экотизим мамлакатдаги энг йирик онлайн савдо учун логистика комплексини ишга туширишни режалаштирмоқда, бу эса ўша йилнинг ўзидаёқ e-cоmmеrcе айланмасини 2,5 баравар оширишга имкон беради. Uzum шунингдек, жисмоний шахсларга, кичик ва ўрта бизнесга кафолатсиз кредит бериш соҳасида бир қатор экотизим маҳсулотларини ишга туширади. Раунд доирасида жалб қилинган маблағларини Uzum мамлакатда IT ва логистика инфратузилмасини ривожлантиришга, шунингдек, ўз муддатл тўлов сервисларини фондлаштиришга йўналтиришни режалаштирмоқда.

— Ўзбекистонда рақамли сервислар бугунги кунда ниҳоятда катта талабга эга, биз буни ўзимиз ишлаётган бозорларнинг ўсиш кўрсаткичлари бўйича ва ўз тажрибамиз асосида кўриб турибмиз — бир йилдан сал кўпроқ вақт ичида биз сервисларидан ҳар ойда 10 миллиондан кўпроқ Ўзбекистон аҳолиси фойдаланадиган экотизимни қурдик, — дейди Uzum асосчиси ва бош директори Джасур Джумаев. — Ўтган йили биз 100 миллион долларга яқин соф фойда олдик ва бу йил ушбу кўрсаткични, шу жумладан Uzum экотизими ичидаги сервисларинининг интеграцияси орқали ошириш ниятидамиз. Бу йил экотизимда бизнес ва хусусий фойдаланувчилар учун янги йўналишлар ва сервислар пайдо бўлади. Биз Ўзбекистон бозори ва Uzum рақамли экотизимига унинг драйверларидан бири сифатида катта қизиқишни кўрмоқдамиз ва бу, албатта, мамлакат тарихидаги биринчи технологик яккашохни яратган халқаро даражадаги мутахассисларнинг ноёб жамоасисиз мислсиз эди.

Uzum рақамли экотизими жисмоний шахслар ва кичик ва ўрта бизнес учун э-cоммерcе, ФинTech ва банк сервисларини бирлаштиради: маркетплейс, экспресс-етказиб бериш сервиси, классик ва рақамли банклар, BNPL-сервис, автомобиль сотиб олиш платформаси, шунингдек тадбиркорлар учун илова. Энди экотизимнинг барча таркибий қисмлари иккита супераппга интеграциялашув йўлидан бормоқда: жисмоний шахслар учун Uzum ва юридик шахслар учун Uzum Business. 2023 йилда, биринчи тўлиқ иш йилида, Uzum экотизимининг ойлик аудиторияси (МАU) 10 миллионга, соф фойдаси эса 100 миллион долларга етди. Бундан ташқари, Uzumнинг чакана банкинг ва FinTech блоки мамлакатдаги даромадлар бўйича етакчилардан бирига айланди, э-cоммерcе йўналиши эса фойдаланувчилар ва буюртмалар сони бўйича Ўзбекистондаги энг йирик онлайн платформа бўлиб, унинг айланмаси 150 миллион долларни ташкил этди.

— Биз АҚШ ва Ҳиндистондаги  FinTech, B2B SaaS, e-cоmmеrcе каби бозор сегментларига ихтисослашганмиз, шунингдек, ривожланаётган бозорлардаги "суперапплар" га сармоя киритамиз, — дейди “Finsight Ventures” компаниясининг бошқарувчи ҳамкори Алексей Гарюнов. — Қулай тўлов ечимлари ва онлайн савдо платформасини бирлаштирган Uzum атиги икки йиллик фаолияти давомида мамлакатда юклаб олишлар сони бўйича энг яхши 3 таликка кирувчи иловани ишга тушириб, мессенжерлар ва ижтимоий тармоқлардан кейин иккинчи ўринни эгаллаб, ажойиб натижаларга эришди. Uzum бугунги кунда турли вертикаллар ўртасида кучли тармоқ эффектлари ва синергияларни шакллантиргани туфайли асосий бизнес вертикаллари (FinTech ва e-cоmmеrcе) бўйича миллий етакчига айланди. Ўзбекистон — истеъмолчилар оффлайндан тўғридан-тўғри мобилга (веб-браузер босқичини четлаб ўтиб) ўтган бозорлардан бири бўлиб, бу бозорни банк, FinTech, e-cоmmеrcе ва бошқа сервисларни истеъмолчилар ва тадбиркорлар учун экотизимга бирлаштирган суперапп яратиш учун идеал қилади. Биз қўшни Қозоғистонда Каспи.кзънинг, Лотин Америкасида — Rappi ва Жанубий Кореяда Тоss superpatt яратишдаги муваффақиятли тажрибасини кузатдик ва Uzum зарур истеъдодлар, ресурслар ва маҳсулотларга эга бўлиб, бу муваффақиятни такрорлаб, Ўзбекистонда миллий технологик етакчи бўлишига аминмиз.

KPMG мамлакатдаги e-cоmmеrcе бозорини Марказий Осиёда энг тез ривожланаётган бозор сифатида баҳолайди, келгуси 5 йил ичида х7 ўсиш потенциалига эга. Шу билан бирга, 2023 йилда мамлакат ялпи ички маҳсулоти 6 фоизга ўсди ва келгуси 7 йил ичида Ўзбекистон уни икки баравар оширишни режалаштирмоқда. Мамлакат иқтисодиётининг ўсиши ва фаол рақамлаштирилиши учун имкониятлар орасида мутахассислар Интернет, ёш аҳоли, шунингдек, банк ва молиявий хизматларнинг ҳозирча паст даражада кириб боришини таъкидлайдилар.

— Ягона платформа ва суперапп доирасида хусусий фойдаланувчилар ва юридик шахслар учун маркетплейс, қулай тўлов ечимлари ва молиявий сервисларни бирлаштириш бизга мамлакат учун уникал сервисларни ривожлантиришга имкон беради, — дейди Uzum стратегия ва бизнесни ривожлантириш бўйича директори Николай Селезнев. — Интернетнинг кириб бориши ва смартфон фойдаланувчилари сонининг кўпайиши билан онлайн тўловлар бозори ҳажми ҳам ошади: 2026 йилга келиб, бизнинг тахминимизча, у 6 баравар, e-cоmmеrcе бозори ўша даврда 8-9 баравар, FinTech эса 8 баравар кўпаяди. Ва ушбу йўналишларнинг ҳар бирида биз аллақачон қулай ва ишончли нечимларни таклиф қиламиз ва “FinSight Ventures” ва “Ханара” инвестициялари туфайли биз ўсиш темпини сақлаб қолишимиз мумкин.

Раунд натижаларига кўра, инвесторлар 5% дан кам пакетни олишади. 2024 йил давомида Uzum экотизими Яқин Шарқ мамлакатлари, Буюк Британия ва АҚШ фондлари иштирокида давомида 200 миллион доллар жалб қилишни режалаштирмоқда.

Шериклик ҳуқуқи асосида.